By: Ishraq Jamal Ashar Chishti
اندھیر نگری میں ہم نے چوپٹ نظام دیکھا کہ راج دیکھا
اک راہزن کو تخت پہ قابض سجائے سر پر ہے تاج دیکھا
تیرے گناہ بھی ثواب سارے، سبھی خطائیں بھی نیکیاں ہیں
رقم کے بدلے کچھ اسطرح سے برائیوں کا علاج دیکھا
جو تو نے لوٹا وہ تیری قسمت، جو میں جھپٹ لوں وہ میرا حصہ
لٹیروں کے معاشرے میں رائج قدیم رسم و رواج دیکھا
جبر کو سہتے غریب دیکھے، قہرکے پیچھے امیر دیکھے
گھٹن زدہ اس معاشرے میں ستم کا داعی سماج دیکھا
لہو رواں ہے ہر اک بدن سے جوان بوڑھے لہولہاں ہیں
لہو کے دھارے بپھر چکے ہیں یہ انتقامی مزاج دیکھا
حسینیت کے صبر کے آگے یزیدیت کی شکست دیکھی
جو ماضی میں کھو گیا کہیں تھا وہ کربلا ہم نے آج دیکھا
بہت ہی مشکل یہ شخصیت ہے بدلتے رنگوں سے منفرد ہے
اشہر تیرے پائے کا نہ ہم نے کوئی بھی نازک مزاج دیکھا
Install Bazm-e-Urdu now to search through over 50000+ Urdu Poems and share as text or customized images. More than 1000+ images to choose from. So what are you waiting for?