By: dr.zahid Sheikh
جو بن کے میرا ہمسفر چلنا نہیں کبھی
مطلب ہوا کہ آپ کو ملنا نہیں کبھی
اپنی انا کو آپ نہ چھوڑیں گے عمر بھر
کچھ ہم نے بھی تو خود کو بدلنا نہیں کبھی
کرتا نہیں کسی بھی نصیحت پہ وہ عمل
طے کر لیا پے اس نے سنبھلنا نہیں کبھی
مانا اداسیاں ہیں مگر کچھ تو بولیے
کب یہ کہا ہے دل نے بہلنا نہیں کبھی
یہ زخم ہے زباں کا دیا ، تیر کا نہیں
رستا رہے گا عمر بھر سلنا نہیں کبھی
دشمن کرے گا وار بڑے اسلحے کے ساتھ
رکھو یہ یاد تم نے دہلنا نہیں کبھی
مجھ سے خفا رہو گی ہمیشہ مری محبوب ؟
کیا میرے گیت سن کے مچلنا نہیں کبھی ؟
زاہد تمھارے فن کو ملے گی یونہی جلا
شہرت ملے کسی کو تو جلنا نہیں کبھی
Install Bazm-e-Urdu now to search through over 50000+ Urdu Poems and share as text or customized images. More than 1000+ images to choose from. So what are you waiting for?