By: مرزا عبدالعلیم بیگ
ترے تعاقب میں
اک اُداس سیارہ
یادوں کے مدار میں
ہجر کی توانائی سمیٹے
وصل کی مسافت طے کر رہا ہے
بے ثمر محبت کے
بے نشان مدار میں
ننگے پاؤں گردش کر رہا ہے
زندگی کے خلا میں
میں اپنے خواب سنبھالے
وفا و الفت کے
کیمیائی بانڈ کے درمیاں
محورِ رقصاں ہوں
تم مرے مدار سے جب گزرو
تو اپنی محبت کی شعاعیں
اک لمحے کیلئے
مجھ پر مرکوز کردینا
تاکہ مرے بیمار سیارے کو
شفاء نصیب ہو
Install Bazm-e-Urdu now to search through over 50000+ Urdu Poems and share as text or customized images. More than 1000+ images to choose from. So what are you waiting for?