By: رخشندہ نوید
وہ دلبر ہیں تو گویا دلبری کرنی پڑے گی
انہیں کے نام دل کی ڈائری کرنی پڑے گی
وہ ان کو جانتے ہیں اور ان کے حال دل کو
سو ان کے دوستوں سے دوستی کرنی پڑے گی
ہمارے درمیاں یہ دکھ ہی قدر مشترک ہیں
سو ہم کو اجتماعی خودکشی کرنی پڑے گی
بدن کو روح سے محروم کر ڈالا گیا ہے
بسر اس طور ہی اب زندگی کرنی پڑے گی
بلایا جائے کیسے اس شناسائے سخن کو
بپا اک بزم شعر و شاعری کرنی پڑے گی
بہت مدت سے ہنسنا بھول کر بیٹھی ہوئی ہے
تمہیں رخشندہؔ شاید گدگدی کرنی پڑے گی
Install Bazm-e-Urdu now to search through over 50000+ Urdu Poems and share as text or customized images. More than 1000+ images to choose from. So what are you waiting for?