By: Dr. Muhammed Husain Mushahid Razvi
نفَس نفَس ہو مجھے اُن کے نقشِ پا کی تلاش
ہو ثبت دل پہ جو پوری ہو مدعا کی تلاش
درِ رسول پہ پہنچوں یہی تمنّا ہے
دلِ حزیں کو ہے دربارِ مصطفا کی تلاش
حبیبِ حق شہِ کوثر کے پہلے ہوجاؤ
تب ہوگی پوری خداوندِ کبریا کی تلاش
’’فنا‘‘ جو الفتِ احمد میں ہوگئے دل سے
سمجھ لو پاگئی تکمیل پھر ’’بقا‘‘ کی تلاش
سنو! اے اہلِ خرد اُن کے در پہ آجاؤ
اگر ہو امن و مساوات اور وفا کی تلاش
کہ فن کے ساتھ ادب کا بھی رنگ آجائے
جو فکر کرتی رہے شرعِ مصطفا کی تلاش
دُرود و نعت مُشاہدؔ وظیفہ کرلینا
جو پیش آئے کبھی بھی کسی دوا کی تلاش
Install Bazm-e-Urdu now to search through over 50000+ Urdu Poems and share as text or customized images. More than 1000+ images to choose from. So what are you waiting for?