By: Suhail Ahmad
سوئے رہتے ہیں مِری قوم کے معمار یہاں
گرم رہتا ہے سدا جُرم کا بازار یہاں
اِتنا مجبور ہوا ہے ، تِرا شا هیں ، اِقبال
ڈِگریاں بیچے جو مِل جائے خریدار یہاں
پوجتے غیر کو ہیں نام خُدا کا لے کر
پھر بھی ہوتے ہی نہیں لوگ گُنہگار یہاں
مُلک کو بیچ دیا اور جو بچا لوٹ لیا
اِتنے برسوں سے ہے جاری یہی بیوپار یہاں
اِک قیامت کا سماں دیس میں ہے شام و سحر
اور سر مست پِھرے دیس کی سرکار یہاں
Install Bazm-e-Urdu now to search through over 50000+ Urdu Poems and share as text or customized images. More than 1000+ images to choose from. So what are you waiting for?