By: فنا نظامی کانپوری
اہل دیر و حرم رہ گئے
تیرے دیوانے کم رہ گئے
مٹ گئے منزلوں کے نشاں
صرف نقش قدم رہ گئے
ہم نے ہر شے سنواری مگر
ان کی زلفوں کے خم رہ گئے
بے تکلف وہ اوروں سے ہیں
ناز اٹھانے کو ہم رہ گئے
رند جنت میں جا بھی چکے
واعظ محترم رہ گئے
دیکھ کر تیری تصویر کو
آئنہ بن کے ہم رہ گئے
اے فناؔ تیری تقدیر میں
ساری دنیا کے غم رہ گئے
Install Bazm-e-Urdu now to search through over 50000+ Urdu Poems and share as text or customized images. More than 1000+ images to choose from. So what are you waiting for?