By: Dr.Zahid Sheikh
کچھ اپنی زندگی پہ بھی مجھ کو ملال ہے
کچھ ان کا بھی ہے غم جنھیں جینا محال ہے
آئے گا کیسے ملک میں کوئی بھی انقلاب
ساری عوام مست ہے جیسا بھی حال ہے
حد درجہ مشکلات میں مفلس ہیں آج بھی
یہ سال نو بھی ان کے لیے غم کا سال ہے
ان شاعرانہ باتوں سے جیتوں میں کیسے دل
لوگوں کو تو عزیز تر دنیا کا مال ہے
اوروں کے واسطے تو بچھاتا رہا سدا
اب جس میں قید ہو گیا تیرا ہی جال ہے
ملزم کو ہر سزا سے وہ آخر بچا گیا
اپنی دلیل پر اسے حاصل کمال ہے
آپس میں لڑ رہے ہیں یوں مدت سے ہم یہاں
کچھ تو سمجھ اے دوست یہ دشمن کی چال ہے
اس زندگی میں الجھنیں لاکھوں سہی مگر
آتا تو آج بھی مجھے تیرا خیال ہے
شہرت و علم و حسن و دولت پہ ناز کیوں ؟
زاہد ہر اک عروج کو آخر زوال ہے
Install Bazm-e-Urdu now to search through over 50000+ Urdu Poems and share as text or customized images. More than 1000+ images to choose from. So what are you waiting for?