By: Taj Rasul Tahir
موسمِ گل میں عجب رنگِ بہار آیا ہے
ذرے ذرے کو تیرے دم سے نکھار آیا ہے
جھوم اٹھی ہے تیرے آنے کی سن کر باتیں
دیدہ شوق کو خود اپنے پہ پیار آیا ہے
تیرا معراج پہ جانا تھا کہ اس عالم میں
نُوریوں کو بھی تجھے دیکھے قرار آیا ہے
اپنی قسمت پہ وہ جتنا بھی کریں ناز ہے کم
جن کا امت میں تیری شرفِ شمار آیا ہے
توُ تو اپنا ہے پھر اپنوں سے پردہ کیسا
طالبِ دید سوئے کوچہ ء یار آیا ہے
خوشبوئے گیسوئے عنبر ہے فضا میں شامل
جس نے سانسوں کو میری آج بھی مہکایا ہے
اب دلدر تو گئے سارے زمانے بھر کے
طاہر ان کا ہے کرم من کو قرار آیا ہے
Install Bazm-e-Urdu now to search through over 50000+ Urdu Poems and share as text or customized images. More than 1000+ images to choose from. So what are you waiting for?