By: Azra Naz
زندگی ایک امتحان سہی
آگ برساتا آسمان سہی
ہارنے سے مجھے بھی نفرت ہے
میں تری جیت کا نشان سہی
سر چھپانے کو چاہیۓ کچھ تو
گر نہیں گھر تو اک مکان سہی
وار د شمن کا چل ہی جاتا ہے
دوست کتنا بھی مہربان سہی
جھوٹی باتوں میں کون آۓ گا
لاکھ دلکش ترا بیان سہی
پہنچنا ہے ضرور منزل تک
پاؤں میرے لہو لہان سہی
تو نہ ہو پاۓ گا جدا مجھ سے
کوئی دونوں کے درمیان سہی
تجھ پہ کیسے میں اعتبار کروں ؟
تو مری جان ، میری جان سہی
راستہ پر خطر تو ہے عذرا
عزم گرچہ ترا جوان سہی
Install Bazm-e-Urdu now to search through over 50000+ Urdu Poems and share as text or customized images. More than 1000+ images to choose from. So what are you waiting for?