By: م الف ارشیؔ
اس دعا میں اثر نہیں لگتا
جب بھی سجدے میں سر نہیں لگتا
یارو دنیا تو ایک دھوکہ ہے
تم کو مچھر کا پر نہیں لگتا؟
اپنے یہ جال میں پھنساتی ہے
تم کو مکڑی کا گھر نہیں لگتا؟
اپنی دنیا میں کھوئے رہتے ہو
تم کو مرنے سے ڈر نہیں لگتا؟
موت ہر دم ہے منتظر تیری
اس کا تو منتظر نہیں لگتا
کتنی تاریک قبر ہوگی پھر
تجھ کو اس کا بھی ڈر نہیں لگتا
جس کی نسبت ہو مصطفیٰﷺ سے تو
اس کو محشر سے ڈر نہیں لگتا
Install Bazm-e-Urdu now to search through over 50000+ Urdu Poems and share as text or customized images. More than 1000+ images to choose from. So what are you waiting for?