By: rafiq sandeelvi
لشکر تھا جن کے کھوج میں وہ گام اور تھے
جنگل میں جو چھپے تھے سیہ فام اور تھے
میت کا دکھ نہیں تھا کسی بھی مکین کو
بستی میں جو مچے تھے وہ کہرام اور تھے
خواجہ سرا کا ماتھا پسینے میں غرق تھا
اب جو حرم میں آئے تھے خدام اور تھے
درپیش تھی جو حج کی مسافت وہ اور تھی
باندھے تھے جو سروں پہ وہ احرام اور تھے
نقشہ تھا سب کے ذہن میں پچھلے محاذ کا
دشمن نے جو کئے تھے وہ اقدام اور تھے
Install Bazm-e-Urdu now to search through over 50000+ Urdu Poems and share as text or customized images. More than 1000+ images to choose from. So what are you waiting for?