By: بلقیس خان
کروں کیا سخت مشکل آ پڑی ہے
مری دہلیز پر چاہت کھڑی ہے
مقام ضبط ہے اے دل سنبھلنا
جدائی کی گھڑی سر پر کھڑی ہے
رسائی کب دلوں تک پا سکی وہ
محبت جو کتابوں میں پڑی ہے
شکستہ ہیں مرے اعصاب یوں بھی
انا سے جنگ اک مدت لڑی ہے
کئی دن سے برہنہ میرے دل میں
تعلق کی کوئی میت پڑی ہے
اسے ملنا بھی ہے قید مسلسل
جدائی کی بھی اپنی ہتھکڑی ہے
Install Bazm-e-Urdu now to search through over 50000+ Urdu Poems and share as text or customized images. More than 1000+ images to choose from. So what are you waiting for?