By: نوید رزاق بٹ
نہ آنا تھا نہ آیا ہے
یونہی دل کو ستایا ہے
بہت لذّت ہے اِس پھل میں
پھر آدم توڑ لایا ہے
تجھے پا کر نہ وہ ملتا
تجھے کھو کر جو پایا ہے
سفر صحرائے الفت کا
نہ بادل ہے نہ سایہ ہے
تیرے قالب کا ہر ذرّہ
سُن اے غافل! پرایا ہے
قدم رُکتے نہیں اب تو
نویدؔ اُس نے بلایا ہے
Install Bazm-e-Urdu now to search through over 50000+ Urdu Poems and share as text or customized images. More than 1000+ images to choose from. So what are you waiting for?