By: وشمہ خان وشمہ
طیبہ جیسی یہ فضا اور کہاں ہوتی ہے
ہر طرف نور کی بارش جو رواں ہوتی ہے
ان سے الفت میں تو لکھتی ہوں میں نعتیں اکثر
تر درودوں سے مگر میری زباں ہوتی ہے
جب بھی آتی ہے خیالوں میں سنہری جالی
میرے ہونٹوں پہ مدینے کی فغاں ہوتی ہے
میں نے دیکھی ہے مدینے میں برستی بارش
ابرِ رحمت وہ زمانے میں کہاں ہوتی ہے
کتنے خوش بخت ہیں وہ لوگ زمانے میں فقط
زندگی جن کی مدینے میں جواں ہوتی ہے
جب سے چھوڑی ہیں زمانے کی یہ وشمہ باتیں
میرے افکار سے مدحت ہی عیاں ہوتی ہے
Install Bazm-e-Urdu now to search through over 50000+ Urdu Poems and share as text or customized images. More than 1000+ images to choose from. So what are you waiting for?