By: Riffat Yasmin
زیر کرنے کو مجھے پاس اُس کے تدبیریں بھی تھیں
اور میرے پاؤں میں لمحوں کی ز نجیریں بھی تھیں
کر رہا تھا جِس گھڑی وہ مجھ سے پیمانِ وفا
جیب میں اُس کی نیۓ چہروں کی تصویریں بھی تھیں
گِر رہی ہے جو عمارت آج میرے سامنے
اُس کے ماتھے پر لکھی کچھُ میری تحریریں بھی تھیں
زندگی میں یوں تو ہر جانب اندھیرا ہی مِلا
راہ دِکھلاتی رہیں جو ایسی تنو یریں بھی تھیں
مجھ پہ میرے ہی زیاں کا جرُم ثابت کر دیا
میرے ہمدردوں کے ہاتھوں میری تشہیریں بھی تھیں
اُٹھ رہا ہے جِن گھروں کی راکھ سے اب تک دھواں
اُن میں رفعتؔ میرے کچھ خوابوں کی تعبیریں بھی تھیں
Install Bazm-e-Urdu now to search through over 50000+ Urdu Poems and share as text or customized images. More than 1000+ images to choose from. So what are you waiting for?