By: بلقیس خان
رنگ لے کر نیا اداسی کا
کوئی منظر بنا اداسی کا
پھر کوئی داستان چھیڑی گئی
پھر بنا دائرہ اداسی کا
میری آنکھوں میں رقص ویرانی
دیکھ کر دل پھٹا اداسی کا
میں نے کمرے میں جس طرف دیکھا
نقش بنتا گیا اداسی کا
مشتمل ہے ہزار صدیوں پر
پل وہ ٹھہرا ہوا اداسی کا
شیروانی خرید لی اس نے
میں نے زیور لیا اداسی کا
Install Bazm-e-Urdu now to search through over 50000+ Urdu Poems and share as text or customized images. More than 1000+ images to choose from. So what are you waiting for?