By: Sara Afzal
کیوں خیالوں میں مرے پاس چلے آتے ہو
تم کو معلوم نہیں روح کو تڑپاتے ہو
تم کو چاہا ہے تو ہر شے کو بھلا ڈالا ہے
پھر بھی کیوں پیار میں تم جان جلا جاتے ہو
تھام لو ہاتھ مرا مجھکو بنا لو اپنا
کیوں کسی اور کو تم زیست میں اپناتے ہو
دیکھ لو آ کے یہ بے خواب سی میری راتیں
تم سکوں میں ہو ہر اک رات کو سو جاتے ہو
دور ہوں دل کی کہانی کو سناؤں کیسے
دل کسی اور کا تم کس لئے بہلاتے ہو
تم کو سارہ نے بہت پیار کیا ہے سن لو
پھر بھی ہر لمحہ ستم مجھ پہ ہی کیوں ڈھاتے ہو
Install Bazm-e-Urdu now to search through over 50000+ Urdu Poems and share as text or customized images. More than 1000+ images to choose from. So what are you waiting for?