By: ALI MUHAMMAD MALOOK
سوچ سمندر تردے عمر گزار لئی
دکھڑے جردے جردے عمر گزار لئی
اوہدی سانجھ تے پھر وی رہی اے غیراں نال
جس دا پانی بھردے عمر گزار لئی
کالی رات دے مکھ توں کالک دھوون لئی
چانن کردے کردے عمر گزار لئی
ساہواں والی پونجی دائ تے لاوندے رہے
جیون بازی ہردے عمر گزار لئی
لوکاں نوں اپڑاوندے رہے آں منزل تے
اپنی وچ سفر دے عمر گزار لئی
آیا نہ آرام نمانے زخماں نوں
مرہم دھردے دھردے عمر گزار لئی
رہ کے ککھاں دئی کلی وچ اسیں ملوک
پالے ٹھردے ٹھردے عمر گزار لئی
Install Bazm-e-Urdu now to search through over 50000+ Urdu Poems and share as text or customized images. More than 1000+ images to choose from. So what are you waiting for?