By: amber shahid
اپنے غم میں خوشی تلاش کرو
آنسوؤں میں ہنسی تلاش کرو
بے وفا ہوگئے سبھی اپنے
اب کوئی اجنبی تلاش کرو
شہر میں ہر طرف درندے ہیں
گاؤں میں آدمی تلاش کرو
مل ہی جائے گی معرفت تم کو
عشق میں بے خودی تلاش کرو
ہونا چاہو اگر مکمل تم
خود میں کوئی کمی تلاش کرو
ہے تصنع سے بھری یہ دنیا
تم زرا سادگی تلاش کرو
ہے تمنا جو خود کو پانے کی
عنبر اپنی خودی تلاش کرو
Install Bazm-e-Urdu now to search through over 50000+ Urdu Poems and share as text or customized images. More than 1000+ images to choose from. So what are you waiting for?