By: ندیم مراد
میں بھی تنہا میری تنہائی بھی تنہا تنہا
کاش ہوتی میری رُسوائی بھی تنہا تنہا
وہ مِلیں کم، سو کسی اور سے اب کیا ملنا
کرکے ہم ان سے شناسائی بھی تنہا تنہا
کیا ملا ان کو مجھے شہر میں تنہا کرکے
محوِ حیرت ہوں کہ ہرجائی بھی تنہا تنہا
میری یکتائی تو تنہا تھی کوئی بات نہ تھی
اب تو دل حسن کا شیدائی بھی تنہا تنہا
وہ ملیں ہم سے سرِعام یہ حالات نہیں
ہم پہ ہے ان کی مسیحائی بھی تنہا تنہا
ہائے وہ دن کہ جوانی سے شناسائی ہوئی
لطف دیتی تھی خودآرائی بھی تنہا تنہا
جب کہے جی کہ ندیم آج بہاؤ آنسو
ریختہ گاؤں کبھی وائی بھی تنہا تنہا
Install Bazm-e-Urdu now to search through over 50000+ Urdu Poems and share as text or customized images. More than 1000+ images to choose from. So what are you waiting for?