By: dr.zahid Sheikh
تری دو دنوں کی چاہت مجھ کو ویراں نہ کر دے
یہ بہار زندگی کو پھر سے خزاں نہ کر دے
میں یہ سوچتا ہوں تیرا مجھے مسکرا کے ملنا
مری مسکراہٹوں کو آہ و فغاں نہ کر دے
تجھے چاہتا ہوں لیکن اس بات کا بھی ڈر ہے
بھرے شہر میں یہ الفت مجھے بے اماں نہ کر دے
کہیں قربتیں ہی بڑھ کے بن جائیں نہ جدائی
کہیں روز میرا ملنا تجھے بد گماں نہ کر دے
ہے یہ وقت کا تقاضا کہ لبوں کو اپنے سی لوں
مری جراءت گویائی مجھے بے زباں نہ کر دے
Install Bazm-e-Urdu now to search through over 50000+ Urdu Poems and share as text or customized images. More than 1000+ images to choose from. So what are you waiting for?