By: Ishraq Jamal Ashar Chishti
آگ میں ہم کو جھونکا گیا ظلم کی
سر سے چادر امن کی ہٹالی گئی
قتل کر کے ہمیں دن دھاڑے یہاں
ہاتھ میں خون کی مہندی رچا لی گئی
انگلیاں کاٹ دیں، سر قلم کردیئے
ساکھ دہشت سے اپنی سنبھالی گئی
ہم کو تحقیر کی تلخیاں دیں گئیں
جو شکایت کری ہنس کے ٹالی گئی
چھین کر ہم سے حق زندگی کا یہاں
موت کے رنگ میں ہر سانس ڈھالی گئی
بولنے کی اجازت سے محروم تھے
آہ نکلی تو وہ بھی دبا لی گئی
ہم کو نفرت، تعصب کے طعنے دیئے
برملا ہم کو دی منہ پہ گالی گئی
عزتوں کے جنازے نکالے گئے
آبرو بیچ میداں اچھالی گئی
بڑھتے قدموں کو روکا گیا جبر سے
حق کی سوچوں پہ زنجیر ڈالی گئی
راستہ ظلم سے روک پائے نہ جب
فوج اپنی مدد کو بلا لی گئی
پھر بھی پنجاب تک آگئے ہم اشہر
دیکھ لو حق کی محفل سجا لی گئی
Install Bazm-e-Urdu now to search through over 50000+ Urdu Poems and share as text or customized images. More than 1000+ images to choose from. So what are you waiting for?