By: حضرت شمس الحق نظامی رحمۃ اللہ علیہ
مرے خط کا آخر جواب آگیا
پیامی مرا کامیاب آگیا
مرے دیکھتے ہی نگاہ جھک گئی
اداوٗں کو ان کی حجاب آگیا
مرا حال رنگیں سنا‘ تو کہا
کہاں سے یہ طرز خطاب آگیا
یہ قسمت کی خوبی ہے یا اتفاق
کہ مجھ تک بھی دور شراب آگیا
مریضانِ دل پھر سے بڑھنے لگے
سنا ہے کہ ان پر شباب آگیا
وہ بے تاب تھے بہر جلوہ گری
کہاں بیچ میں یہ نقاب آگیا
بہت سو چکے شمس ؔ اب آنکھ کھولو
لب بام لو آفتاب آگیا
Install Bazm-e-Urdu now to search through over 50000+ Urdu Poems and share as text or customized images. More than 1000+ images to choose from. So what are you waiting for?