By: syed aqeel shah
خوابید پرندوں کے نشاں ڈھونڈ رہا ہوں
مدت سے میں اک حرفِ خزاں ڈھونڈ رہا ہوں
اب تُو ہے نہ بستی ہے نہ رستہ نہ مسافر
جلتے ہوئے خوابوں کا دُھواں ڈھونڈ رہا ہوں
کیا چیز ہے دل بھی کہ میں صحرا کے سفر میں
سر سبز درختوں کے نشاں ڈھونڈ رہا ہوں
اک عمر گزاری ہے تو قدموں کے نشاں سے
خوابوں کے شکستہ سے مکاں ڈھونڈ رہا ہوں
لفظوں سے کوئی عکس تراشا ہے تو پھر اب
لمحوں کی تجارت میں زیاں ڈھونڈ رہا ہوں
کچھ اور سفر میں مرے آگے سر ِخواہش
اے دوست تجھے اب میں کہاں ڈھونڈ رہا ہوں
اے عمر سیاہ بخت ذرا ٹھہرا کہ اب میں
گُم گشتہ حقیقت کے گماں ڈھونڈ رہا ہوں
Install Bazm-e-Urdu now to search through over 50000+ Urdu Poems and share as text or customized images. More than 1000+ images to choose from. So what are you waiting for?