By: Dr. Humera Islam
میں اکثر
اپنا سر ہاتھ میں پکڑ کر
یہ سوچتی ہوں
اس زندگی کا مقصد
یوں ہی مر مر کر جینا اور جی جی کے مرنا ہے؟
مصیبتوں کے لمبے لمبے درخت
جن سے پریشانی کی ہوا ہر دم چلتی ہے
ہمارے ہی آنگن میں کیوں اگے ہیں؟
نفاق کی یہ اونچی اونچی دیواریں
ہمارا ہی حصار کیوں کرتی ہیں؟
دکھوں کا یہ تپتا صحرا
ہماری ہی راہگزر کیوں ہے؟
حساس دِل - دماغ - خیالات - سوچیں
یہ سب میری ہی میراث کیوں ہیں؟
یہ سب آزمائش ہے
صرف آزمائش
تو پھر کیوں
میں یہ سوچتی ہوں
اپنا سر ہاتھ میں پکڑ کر
میں اکثر
Install Bazm-e-Urdu now to search through over 50000+ Urdu Poems and share as text or customized images. More than 1000+ images to choose from. So what are you waiting for?