By: وشمہ خان وشمہ
اور اس جیسی بجھارت بھی نہیں ہو سکتی
زیست کے ساتھ تجارت بھی نہیں ہو سکتی
ہم ترے ساتھ محبت بھی نہیں کر سکتے
اور ترے ساتھ شرارت بھی نہیں ہو سکتی
ہم تو بس دیکھ ہی سکتے ہیں ترا رنگ ہنر
اپنے جیسوں سے نصیحت بھی نہیں ہو سکتی
میرے گلشن میں خزاں کا ہے بسیرا پھر بھی
غم میں غمگین یوں حالت بھی نہیں ہو سکتی
میری یہ زیست مثالی ہے ترا پیار ملا
اس سے بڑھ کر تو فضیحت بھی نہیں ہو سکتی
ایسے منصف سے بھلا اورامیدیں کیا ہوں
جس سے اپنی یہ وکالت بھی نہیں ہو سکتی
وہ تو کہتے ہیں سبھی چھوڑ کے آؤ ملنے
وشمہ ہم سے یہ جہالت بھی نہیں ہو سکتی
Install Bazm-e-Urdu now to search through over 50000+ Urdu Poems and share as text or customized images. More than 1000+ images to choose from. So what are you waiting for?