By: Dr. Muhammed Husain Mushahi Razvi
نالۂ درد سے یوں حشر اُٹھانا کیا ہے
دوستو! اس طرح کرنا یہ تماشہ کیا ہے
کیوں ہے بے چینی کا یہ زور ، تڑپنا کیا ہے
اے خطاکارو! یہ رو نا ، یہ بلکنا کیا ہے
جب کہ سرکارِ دوعالم ہیں شفیعِ اعظم
عید ہے روزِ جزا ، خوف کیا کھٹکا کیا ہے
شربتِ دید سے بجھ جائے گی تشنہ قلبی
تجھ کو تاریکیِ مرقد کایہ صدمہ کیا ہے
اُس کا رُتبہ ہے بڑا اعلیٰ کوئی کیا سمجھے
عشقِ سرکار کی رفعت کا ٹھکانا کیا ہے
میں مروں ارضِ مدینہ میں بقیع ہو مدفن
شاہِ کونین! مرے دل کا تقاضا کیا ہے
فیض ہے کلکِ رضاؔ کا اے مُشاہدؔ رضوی
نعت لکھنے کا ولے تجھ کو قرینہ کیا ہے
Install Bazm-e-Urdu now to search through over 50000+ Urdu Poems and share as text or customized images. More than 1000+ images to choose from. So what are you waiting for?