By: Muhammad Faisal
دامِ اغیار سے بچاتے ہیں
آپ اپنا جنہیں بناتے ہیں
کچھ دنوں تک تو آزماتے ہیں
پھر وہ دستِ کرم بڑھاتے ہیں
دل میں غیروں کو جو بساتے ہیں
وہ بھلا کب سکون پاتے ہیں
وہ فراموش ہم کو کرتے نہیں
ہم مگر اُن کو بھول جاتے ہیں
زخمِ حسرت سے دل شکستہ کر
ٹوٹے دل میں ہی وہ سماتے ہیں
دیکھنا مت بتوں کو تم فیصلؔ
دل کے رستے نظر سے جاتے ہیں
Install Bazm-e-Urdu now to search through over 50000+ Urdu Poems and share as text or customized images. More than 1000+ images to choose from. So what are you waiting for?