By: ناصؔر دھامسکر-مجگانوی
یارب فریاد سن لے میری
رحمت پاؤں کرم سے تیری
بپتا دکھیارے کی نہ ہو رد
کر پالنہار مہربانی
دکھ سہتے سہتے تھک چکے ہیں
مالک مایوسی جائے چھٹتی
قرآں میں صاف کر دیا ہے
وسعت محدود، غم کی ہوگی
برداشت ہو سکیں جو تم سے
اتنی تکلیف بس رہیگی
اے رب ضعفاء لاج رکھیو
فرمائیو رحم سے ستاری
کرنا ہے ناتواں پہ شفقت
ہوں کمزوروں کے ساتھ نرمی
تو ہے غفار بخش دینا
عصیاں کو دھو دے، ملے معافی
داتا کا در کھلا ہے ہر دم
بھر سخیوں کے سخی تو جھولی
تو ہے مشکل کشا ہمارا
جائے دامن کبھی نہ خالی
سن ناصر کی دعا تو مولا
امت کی تو بنا دے بگڑی
Install Bazm-e-Urdu now to search through over 50000+ Urdu Poems and share as text or customized images. More than 1000+ images to choose from. So what are you waiting for?