By: رشید حسرت
خُود کو آرام سے تُو گھر پر رکھ
اور پَگ عورتوں کے سر پر رکھ
دوستوں نے تو مِہربانیاں کِیں
داغ تُو بھی دِل و جِگر پر رکھ
میں نے قرضہ دیا ہے، جُرم کِیا؟
اور اب تُو اگر مگر پر رکھ
تُو وڈیرے کے گھر کا آدمی ہے
فتح اپنی کو میرے ڈر پر رکھ
منزلیں خُود سِمٹتی جائیں گی
بس توجہ فقط سفر پر رکھ
رِزق اللہ کی طرف سے ہے
پِھر بھروسہ ہے جو ہُنر پر رکھ
کیوں خطا وہ تِری مُعاف کرے
اب تو دستار اُس کے در پر رکھ
سب کے حِصّے میں رکھ تو رات کا دُکھ
اور نظریں مگر سحَر پر رکھ
شاعری کو مِلا دوام آخِر
کان حسرت اِسی خبر پر رکھ
Install Bazm-e-Urdu now to search through over 50000+ Urdu Poems and share as text or customized images. More than 1000+ images to choose from. So what are you waiting for?