By: Muhammad zia siddiqui
سالار وطن اجڑاہے چمن
آہوں کا تماشا جاری ہے
حالات کے خونی منظر کا
اس قوم پہ سکتہ طاری ہے
ظلمات کے بادل چھائے ہیں
پیغام تباہی لائے ہیں
کیا خوب مقدر ہیں اپنے
انجانے قرض چکائے ہیں
جلاد کے روپ ہزاروں ہیں
اک روپ نیا زرداری ہے
حالات کے خونی منظر کا
اس قوم پہ سکتہ طاری ہے
کب باد بہاراں آئیگی
امید کے تانے بانے ہیں
برسوں سے سنتے آئے ہیں
یہ دن تو آنے جانے ہیں
اب صابر و شاکر بنو ضیاء
تو نے تو عمر گزاری ہے
حالات کے خونی منظر کا
اس قوم پہ سکتہ طاری ہے
Install Bazm-e-Urdu now to search through over 50000+ Urdu Poems and share as text or customized images. More than 1000+ images to choose from. So what are you waiting for?