By: Azra Naz
اے دلِ بیقرار مان بھی جا
جھوٹ ہے اس کا پیار مان بھی جا
پھول کلیاں نظر کا دھوکا ہیں
واہمہ ہے بہار مان بھی جا
تجھ کو اپنے کسی ارادے پر
کچھ نہیں اختیار مان بھی جا
آج کے بیوفا زمانے میں
عشق ہے کاروبار مان بھی جا
بس نہ پائے گا اب کبھی شاید
دل کا اجڑا دیار مان بھی جا
زندگی کی یہی حقیقت ہے
تو ہے مشتِ غبار مان بھی جا
سن مرے دل تو چاند چھونے کی
ضد نہ کر بار بار مان بھی جا
Install Bazm-e-Urdu now to search through over 50000+ Urdu Poems and share as text or customized images. More than 1000+ images to choose from. So what are you waiting for?