By: Ishraq Jamal Ashar Chishti
سُسر پھولوں کے شیدائی انہیں مالی سمجھتا ہے
اور اپنی ساس کی نندوں کو بھی سالی سمجھتا ہے
یہ انگریزی کا مارا بول بھی ڈھنگ سے نہیں سکتا
مگر اردو میں کچھ کہہ دو اسے گالی سمجھتا ہے
یہ ناشکروں میں نا شُکرا ہمہ وقت لب پہ شکوہ ہے
مرادوں سے بھرے دامن کو بھی خالی سمجھتا ہے
پرائے دیس کی ہر شے پہ اسکا دم نکلتا ہے
اور اپنے دیس کا ہیرا بھی یہ جعلی سمجھتا ہے
جو چپٹی ناک والا کوئی بھی اس کو نظر آئے
وہ گلگت کا ہی کیوں نہ ہو یہ نیپالی سمجھتا ہے
ترقی کے جو منصوبے اگر زیر بحث لاؤں
وہ میرے سارے منصوبے محض خیالی سمجھتا ہے
صنف نازک خیالو ں پر ہمیشہ چھائی رہتی ہے
اگر پیالہ بھی دو اسِکو تو یہ پیالی سمجھتا ہے
اشہر کی شاعری گویا ہے دو کوڑی سے معمولی
اور اپنے آپ کو گویا کہ وہ حالی سمجھتا ہے
Install Bazm-e-Urdu now to search through over 50000+ Urdu Poems and share as text or customized images. More than 1000+ images to choose from. So what are you waiting for?