By: azharm
وہ نہاں تھا بھی اور نہیں گویا
سات پردوں میں ہو مبیں گویا
اور کوئی نہ مل سکا مجھ کو
دل میں تھا ایک ہی مکیں گویا
اُس کی خوشبو حصار میں رکھتی
دور رہ کے بھی تھا قریں گویا
دل میں پیدا ہوا گماں کیونکر؟
ڈولنے لگ گیا یقیں گویا
اُس نے یادوں کے بیج بوئے ہوں
پاس میرے یہیں کہیں گویا
اُس سے بچھڑا تو ایک دم اظہر
ہٹ گئی پاوں سے زمیں گویا
Install Bazm-e-Urdu now to search through over 50000+ Urdu Poems and share as text or customized images. More than 1000+ images to choose from. So what are you waiting for?