By: وشمہ خان وشمہ
درد آنکھوں میں سجاتے ہوئے ڈر لگتا ہے
غیر کو اپنا بناتے ہوئے ڈر لگتا ہے
اس کو ملنا ہے اگر مجھ سے تو خود آگے بڑھے
مجھ کو کشکول بڑھاتے ہوئے ڈر لگتا ہے
اپنی ہی سیج پہ آشاؤں کا لاشہ کیسا
غم کو اب پاس بلاتے ہوئے ڈر لگتا ہے
اس کی خواہش کا کبھی آنکھ میں کاجل لے کر
اپنی پلکوں کو سجاتے ہوئے ڈر لگتا ہے
پہلے ہی قحط کا عالم ہے مرے چاروں طرف
اپنے اب باغ جلاتے ہوئے ڈر لگتا ہے
زندگی پیار کی صورت ہو تو خوش کن وشمہ
ورنہ یوں ساتھ نبھاتے ہوئے ڈر لگتا ہے
Install Bazm-e-Urdu now to search through over 50000+ Urdu Poems and share as text or customized images. More than 1000+ images to choose from. So what are you waiting for?