By: Dr.Muhammed Husain Mushahid Razvi
دل اپنا مجلا بنا کر چلوں میں
محمّد ﷺ کا جلوہ بسا کر چلوں میں
یہ سرآپ پر ہاں فدا کر چلوں میں
محبت کا حق کچھ ادا کر چلوں میں
مقدر سے طَے ہو جو راہِ مدینہ
ہر اک گام نعتیں سنا کر چلوں میں
جو مل جا ئے نعلینِ پاکِ شہ دیں
سر آنکھوں پہ اس کو سجا کر چلوں میں
دمِ آخریں بھی یہی گیت گاوں
محمّد محمّد ﷺ صدا کر چلوں میں
مشاہدؔ میں لکھتا رہوں نعتِ احمد
اسی کو وظیفہ بنا کو چلوں میں
Install Bazm-e-Urdu now to search through over 50000+ Urdu Poems and share as text or customized images. More than 1000+ images to choose from. So what are you waiting for?