By: muhammad nawaz
سفر آسان ہو جاتا اگر تو مل گیا ہوتا
میں تیرے ساتھ کھو جاتا اگر تو مل گیا ہوتا
بہت سی رنجشیں ایسی ہیں کہ جن پر ندامت ہے
میں سارے داغ دھو جاتا اگر تو مل گیا ہوتا
بھلا کر زندگانی کی سبھی سوچیں سبھی فکریں
تیرے پہلو میں سو جاتا اگر تو مل گیا ہوتا
تیرے فردا کے لمحوں سے مہک کیسے نہ پھر اٹھتی
میں ایسے خواب بو جاتا اگر تو مل گیا ہوتا
تیرے دامن میں آ کر زندگی سیراب ہو جاتی
اسے میں یوں بھگو جاتا اگر تو مل گیا ہوتا
تیرے ہر ایک لمحے میں میں اپنے پیار کے صدقے
کئی صدیاں سمو جاتا اگر تو مل گیا ہوتا
تیری یادوں میں خوشبو چاند تارے تتلیاں جگنو
نہ میں کیا کیا پرو جاتا اگر تو مل گیا ہوتا
ابھی تک دھڑکنیں جسکی فقط نثری سی لگتی ہیں
یہ دل شاعر سا ہو جاتا اگر تو مل گیا ہوتا
Install Bazm-e-Urdu now to search through over 50000+ Urdu Poems and share as text or customized images. More than 1000+ images to choose from. So what are you waiting for?