By: sahar abidi
بھوک سے ایڑیاں رگڑتے ہوئے
ایک فنکار مر گیا کل رات
سوگ میں بند ہو گئے بازار
تعزیت کی ہزارہا خبریں
حکم سرکار سے ہوئی تعطیل
تاجران ادب کی اک تقریب
کچھ بیانات تعزیت توصیف
کچھ مقالات اور کچھ القاب
مرنے والے کی شان میں کہہ کر
سب نے اس بات کی اجازت دی
شہر کے پر فضا علاقے میں
مرنے والے کا اک مزار حسیں
جلد تعمیر کردیا جائے
بھوک سے ایڑیاں رگڑتے ہوئے
ایک فنکار مر گیا کل رات
Install Bazm-e-Urdu now to search through over 50000+ Urdu Poems and share as text or customized images. More than 1000+ images to choose from. So what are you waiting for?