By: Dr.Muhammed Husain Mushahid Razvi
علی شیرِ خدا مشکل کشا خیبر شکن ہیں آپ
گلِ باغِ خلافت اور ولایت کے چمن ہیں آپ
ہیں فرمانِ شہِ دیں سے مراتب آپ کے ظاہر
کہ بابِ علم و حکمت زیٖنتِ دیٖنِ حَسن ہیں آپ
بڑا عالی ہے رُتبہ ، زوجہ ہیں سرکار کی دُختر
پدر حَسنین کے دامادِ شہنشاہِ زمن ہیں آپ
چلا ہے سلسلہ آلِ نبی کا آپ سے مولا
گلِ سرسبدِ باغِ مصطفائی پنجتن ہیں آپ
مُشاہدؔ کے دلِ ظلمت زَدا کو کیجیے صیقل
صفاے ظاہر و باطن کی اِک نُوری کرن ہیں آپ
Install Bazm-e-Urdu now to search through over 50000+ Urdu Poems and share as text or customized images. More than 1000+ images to choose from. So what are you waiting for?