By: وشمہ خان وشمہ
لمحہ لمحہ پھر حزیں ہونے لگا
تیرے جانے کا یقیں ہونے لگا
آپ کے ہونٹوں کو چھو کر دیکھ لوں
عشق تو مجھ کو نہیں ہونے لگا
درد بن کر یاد کا دیکھو ذرا
میرے اندر وہ مکیں ہونے لگا
پاؤں سے نکلی زمیں تو ایک دم
آسماں میرے قریں ہونے لگا
وہ فرشتہ جب نظر آیا نہیں
آدمی کا پھر یقیں ہونے لگا
عشق مہکا مشک بن کر چار سو
عشق کا جلوہ کہیں ہونے لگا
Install Bazm-e-Urdu now to search through over 50000+ Urdu Poems and share as text or customized images. More than 1000+ images to choose from. So what are you waiting for?