By: Muhammad Faisal
عجب دل پہ اک ضربِ کاری لگی ہے
کہ دنیا محبت سے عاری لگی ہے
میں دنیائے فانی سے دل کیوں لگاؤں
کہ باطل مجھے اس کی یاری لگی ہے
وہ رہتے ہیں ہر دم تصور میں میرے
مجھے یاد اُن کی ہی پیاری لگی ہے
ملی جس کو قربِ الٰہی کی دولت
خدائی اسے ہیچ ساری لگی ہے
ہیں قربِ الٰہی کے اس میں شگوفے
میرے دل میں ایسی کیاری لگی ہے
Install Bazm-e-Urdu now to search through over 50000+ Urdu Poems and share as text or customized images. More than 1000+ images to choose from. So what are you waiting for?