By: Ahsan Sailani
غزل در زمین ِ افتخا ر عارف
(کلامِ احسان سیلانی سے انتخاب )
سوال ہی میں جو سارے جواب رکھتاہے
وہ ایک لفظ میں اُم الکتاب رکھتاہے
خِرام ِ ناز ،تبسم ،نگاہ ،زلفِ سیاہ
ادائیں ایسی وہ لاجواب رکھتاہے
سُموم رقص کناں دیدِ آفتابی پر
نہ دوش دو کہ صحرا سُراب رکھتاہے
بتاکہ تیرے سوا کون ایسے مجرم کا
عمل ہے کوئی نہ نقدِ ثواب رکھتاہے
مرے جواں تُو جہاں بھر میں چاندنی کردے
تُو کیسا چاند ہے ،آنکھوں میں خواب رکھتاہے
بُلا بہشتِ بریں وصل کے شہیدوں کو
زمانہ ہجر کا سوز ِ عذاب رکھتاہے
تُو ایک پھول کے کھونے پہ مت پریشاں ہو
یہ وہ گلستاں ہے ،گُل بے حساب رکھتاہے
گُلوں کی آنکھ میں آنسو بشکل ِ شبنم ہیں
جلال سارا چمن آب آب رکھتاہے
بجا کہ ماہر ِ فن آپ افتخا ر عارف
جنون اور بھی رستے ،جناب رکھتاہے
Install Bazm-e-Urdu now to search through over 50000+ Urdu Poems and share as text or customized images. More than 1000+ images to choose from. So what are you waiting for?