By: وشمہ خان وشمہ
شب کے سینے میں کچھ سلگتا ہے
زندگی کا چراغ جلتا ہے
میری آنکھوں میں قید ہیں دریا
پھر سمندر کہاں نکلتا ہے
بڑھتی جاتی ہے آج تشنہ لبی
اور سانسوں میں خوں سلگتا ہے
اُس سے ملنے کی اب بھی حسرت ہے
وعدہ کر کے بھی جو مکرتا ہے
ہم کو دنیا ، وفا سے کیا لینا
رنگ باتوں سے وہ بدلتا ہے
جب سے جنگل میں آ گئی وشمہ
شہر سارا ہی اب تڑپتا ہے
Install Bazm-e-Urdu now to search through over 50000+ Urdu Poems and share as text or customized images. More than 1000+ images to choose from. So what are you waiting for?