By: M Usman Jamaie
مت گھبراؤ نا
ایسی بھیانک باتیں کرکے
ہمیں ڈراؤ نہ
مت گھبراؤ نا
تم نے کیسی کیسی مشکل ہنس کر جھیلی ہے
کتنی ہمت سے تم نے ہر آفت سہ لی ہے
کیسی ہمت تم نے پائی، پھر بتلاؤ نا
مت گھبراؤ نا
سچی سچی بولو کچھ تو بدلے ہیں حالات
چین ملا ہے تھوڑا، کچھ تو ہوئے ہیں کم صدمات
چُپ چُپ ،گم سم کیوں ہو تم کچھ تو فرماؤ نا
مت گھبراؤ نا
کیوں ہو پریشاں تمھارے سب دکھ ہوجائیں گے دور
خوشیوں کا موسم لائے گا چین سکون کا نور
میں بھی ہوں نا ساتھ تمھارے، ہاتھ بڑھاؤ نا
مت گھبراؤ نا
تتلیوں کے پروں پہ ہیں خوشیوں کے پَل
جگنووں کے ماتھے پر ہے تمھارا روشن کل
ان سے دور نہ جاو نا، ان کا ساتھ نبھاؤ نا
مت گھبراؤ نا
Install Bazm-e-Urdu now to search through over 50000+ Urdu Poems and share as text or customized images. More than 1000+ images to choose from. So what are you waiting for?