By: Shabbir Rana
آس امید اجالا تو ہے
علم کا کل حوالہ تو ہے
سب نامی گم نام ہوئے ہیں
جس کا بول ہے بالا تو ہے
سب کے درد کا درماں کرنا
سب کے زیاں کا ازالہ تو ہے
جپتے ہیں جو صبح مسا سب
صبر و رضا کی مالا تو ہے
عقل و خرد سب ہیچ وہاں پر
حکمت جس کی اعلیٰ تو ہے
رزق فراوانی سے دے کر
جس نے جہاں کو پالا تو ہے
سیلِ زماں نے جب بھی گھیرا
جس نے مجھے سنبھالا تو ہے
جس کی مثل مثال نہ کوئی
جس کا ذکر نرالا تو ہے
میرے دل اور سوچ میں تو ہے
فکر رسا کا ہالا تو ہے
Install Bazm-e-Urdu now to search through over 50000+ Urdu Poems and share as text or customized images. More than 1000+ images to choose from. So what are you waiting for?