By: Muhammad Zia Siddiqui
پیسے نہ سی لبھدے تے گھروں آئے ساں لڑکے
میلہ اساں ویکھیا سی سائیکلاں تے چڑھ کے
سرکساں دے تنبو ویکھے جوس پیتا ام دا
جیبوں بندہ خالی ھوندا کسے وی نہ کم دا
بڑے شرمندہ ہوئے میلے وچ وڑ کے
میلہ اساں ویکھیا سی سائیکلاں تے چڑھ کے
سکے پکے آئے ساں تے ٹکٹاں کی لینڑیاں
سانوں نہ سی پتا اج جتیاں وی پینڑیاں
جان چھڑائی اوکھی پیر اوہدے پھڑ کے
میلہ اساں ویکھیا سی سائیکلاں تے چڑھ کے
پھردیاں پھرا ندیاں جند ساڈی رہ گئی
بھکیاں گزارنی رات اتوں پے گئی
گھر نہ سی جاندے اسی ابے کولوں ڈر کے
میلہ اساں ویکھیا سی سائیکلاں تے چڑھ کے
Install Bazm-e-Urdu now to search through over 50000+ Urdu Poems and share as text or customized images. More than 1000+ images to choose from. So what are you waiting for?