By: muhammad nawaz
ہوائیں مسکرائی ہیں نظاروں پر بہار آئی
فضائیں جھوم اٹھیں اور بہاروں پر بہار آئی
فلک پہ حوریان خلد کی آواز پھیلی ہے
نگاہوں کو بچھا رکھو ستاروں پر بہار آئی
تیرے حسن مجسم کی فقط اک جھلک دیکھی ہے
سمندر سیپیاں اگلے کناروں پر بہار آئی
تمہاری ذات سے اٹھی کرشمہ ساز کرنوں سے
جہاں کے ریگزاروں خارزاروں پر بہار آئی
تیرے دست کرم کے معجزانہ لمس سے آقا
لاچاروں پر بہار آئی بیماروں پر بہار آئی
بڑی تاریک راہیں تھیں بڑے ویران رستے تھے
تیرے آنے سے سارے بے سہاروں پر بہار آئی
تمہارے قدم چھونے کو فلک پہ کہکشاں بکھری
ازل سے بھٹکے ہوئے چاند تاروں پر بہار آئی
تمہارے ذکر سے آقا معطر ہو گئی سانسیں
میرے لفظوں پہ میرے استعاروں پر بہار آئی
Install Bazm-e-Urdu now to search through over 50000+ Urdu Poems and share as text or customized images. More than 1000+ images to choose from. So what are you waiting for?