By: Dr Qamar Siddiqui
پیار کے موسم بیت چکے اب ھجر کا موسم آیا ھے
تنہا بیٹھا سوچ رہا ھوں ، کیا کھویا ، کیا پایا ھے
ھجر کی لمبی راتیں ھیں اور ایک سسکتا سایا ھے
تیری یادیں ، تیری باتیں ، اپنا کل سرمایا ھے
اھل ھوس کی اس دنیا میں کون کسی سے پیار کرے
کون کسی کا دردی ھو ، جب دین ایمان ہی مایا ھے
عقل پریشاں ۔ دیدہء حیراں کیسا موسم آیا ھے
انسانوں نے انسانوں کو انساں سے ڈسوایا ھے
چاک گریباں پاؤں میں چھالے ، ہاتھوں میں کشکول
تیری چاہت میں اے ساجن ھم نے یہی کچھ پایا ھے
میرا پاگل منوا مچلے لاکھہ اسے سمجھاؤں میں
چاند کی خواھش نادانی ھے ، چاند کبھی ھاتھ آیا ھے
Install Bazm-e-Urdu now to search through over 50000+ Urdu Poems and share as text or customized images. More than 1000+ images to choose from. So what are you waiting for?