By: farah ejaz
جانے کیوں دل کو یہ غلط فہمی ابھی بھی ہے
کہ کہیں کوئی ہاتھ اس کے لئے بھی اٹھے ہونگے
کوئی اس کے لئے بھی خیر کی دعا مانگ رہا ہوگا
کسی کو اس کے لوٹنے کی اب بھی آس ہوگی
کوئی در اس کے لئے بھی کھلا ہوگا
دل مضطر ب کو گمان بھی بڑے بڑے ہیں
خوش فہم بھی تو بہت ہے
پر جانے کیوں خوشگمانی اچھی لگتی ہے
چاہے کوئی ہو یا نہ ہو
تھکے تھکے سے وجود کو اپنا سایہ بھی بھلا لگتا ہے
اگر یہ بھی ساتھ چھوڑ دے تو
تنہائی اسے اپنی لپیٹ میں لے لے گی
اور ہر امید یاس میں بدل جائے گی
اسے خوش گماں ہونے دو
اسے اسی آس میں جینے دو
شاید اسی طرح جینے کی چاہ اس میں باقی رہے
ورنہ سانسیں تھمنے میں کتنا وقت لگتا ہے
دھڑکن کے رکنے میں کتنا وقت لگتا ہے
اسے جینے دو
اسے جینے دو
Install Bazm-e-Urdu now to search through over 50000+ Urdu Poems and share as text or customized images. More than 1000+ images to choose from. So what are you waiting for?